អ្នកឃ្លាំមើលសង្គម និងនយោបាយ គឺលោក គឹម សុខ បានវិភាគថា លទ្ធភាពនៃការដោះលែងលោក កឹម សុខា អោយ
មានសេរីភាពឡើងវិញ គឺមានតិចតួចខ្លាំងណាស់ ប៉ុន្តែបើគេដោះលែងហើយនោះ គឺគេកំពុងស្ទង់មើល ។

អ្នកឃ្លាំមើលសង្គមរូបនេះយល់ថា ការដោះលែងលោក កឹម សុខា ដោយរដ្ឋអំណាចនៅកម្ពុជាបច្ចុប្បន្ននេះបាន ដើម្បី
កុំឲ្យមុខរដ្ឋាភិបាលថ្មីដែលប្រុងនឹងកើតពីឆ្មបបោះឆ្នោតខុសផ្លូវប្រជាធិបតេយ្យនោះ មានពណ៌ខ្មៅពេក ដើម្បីស្ទាបៗរក
ការបន្ថយប្រតិកម្មអន្តរជាតិ ជាឥរិយាបទសង្កត់មិនដកថយ នៃអ.ស.ប. សហភាពអឺរ៉ុប និងបណ្តាប្រទេសមហាអំណាច
ប្រជាធិបតេយ្យធំៗ មុនគេចេញដំណើរទៅថ្លែងយកមុខនៅមហាសន្និបាតអ.ស.ប.នៅខែក្រោយ។

លោក គឹម សុខ បន្តលើកឡើងថា ថ្មីៗនេះមានចរន្តដោះលែងជាទ្រង់ទ្រាយធំ ជាពិសេសសកម្មជននយោបាយដែល
មាននិន្នាការប្រឆាំង ដូច្នេះបើមិនយល់ព្រមដោះលែងលោក កឹម សុខា នោះទេ នោះមើលទៅវាហាក់ដូចជាអាក្រក់
មើលពេក។

លោក  កឹម សុខា ត្រូវបានតុលាការសម្រេចដោះលែងឲ្យនៅក្រៅឃុំ នៅម៉ោង៣ទៀបភ្លឺ នាព្រឹកថ្ងៃច័ន្ទទី១០ខែកញ្ញា
នេះ ។ ក្រោយការដោះលែង នៅម៉ោងជាង៥ព្រឹកនេះ លោក កឹម សុខា បានអញ្ជើញទៅដល់ផ្ទះរបស់លោកនៅភ្នំពេ
ញ។

លោក កឹម សុខា ត្រូវបានសមត្ថកិច្ចសម្រុកចូលចាប់ខ្លួនពីក្នុងផ្ទះទាំងកណ្ដាលយប់រំលងអាធ្រាត្រ កាលពីដើមខែកញ្ញា
ឆ្នាំ២០១៧ ដោយចោទលោកពីបទ «ក្បត់ជាតិ» និងបញ្ជូនលោកទៅឃុំក្នុងពន្ធនាគារត្រពាំងផ្លុង នៅខេត្តត្បូងឃ្មុំ ដែល
ជាខេត្តមានព្រំប្រទល់ជាប់ប្រទេសវៀតណាម។

នៅក្នុងសវនាការនៅពន្ធនាគារត្រពាំផ្លុងនៅខេត្តត្បូងឃ្មុំ កាលពីព្រឹកថ្ងៃទី៣០ ខែសីហា ឆ្នាំ២០១៨ លោក កឹម សុខា
ត្រូវបានចៅក្រមស៊ើបសួរសាលាដំបូងរាជធានីភ្នំពេញ លោក គី ឬទ្ធីកោះ បានសម្រេចបន្តការឃុំខ្លួនបន្ថែមរយៈពេល
៦ខែទៀត ។

ប៉ុន្តែបើតាមសេចក្ដីប្រកាសព័ត៌មានរបស់តុលាការនៅព្រឹកថ្ងៃច័ន្ទនេះ តុលាការបញ្ជាក់ថា ការដោះលែងលោក កឹម សុខា
ជាបន្ទាន់នៅពេលនេះអោយមានសេរីភាពឡើងវិញ ក្រោមហេតុផលថា លោក កឹម សុខា មានបញ្ហាសុខភាព ។

ប៉ុន្តែយ៉ាងណា តុលាការបានអះអាងថា ចំពោះនីតិវិធីលើលោក កឹម សុខា តាមផ្លូវច្បាប់នោះ នឹងនៅតែបន្តធ្វើការស៊ើប
អង្កេតដដែល ។

សម្រាប់លោក គឹម សុខ វិញយល់ឃើញថា ទាំងនេះ គ្រាន់តែជាហេតុផលនយោបាយមួយរបស់គណបក្សដែលកំពុង
កាន់កាប់អំណាចប៉ុណ្ណោះ ។

លោក គឹម សុខ បានបញ្ជាក់ថា បើលែងហើយ គាត់មិនធ្វើសកម្មភាពនយោបាយខ្លាំងទេ គេអាចដោះលែងគាត់រហូត
ប៉ុន្តែបើគាត់បានឱកាសនៅក្រៅឃុំហើយ ហើយនៅតែបន្តការងារដឹកនាំនយោបាយកាន់តែផុសផុលឡើង នោះគាត់
គេចមិនផុតពីការចាប់ដាក់គុកវិញទេ៕