ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ លោក ស ខេង បានថ្លែងអោយដឹងថា ការឈ្នះការបោះឆ្នោតយ៉ាងភ្លុក
ទឹកភ្លុកដីរបស់គណបក្សប្រជាជនកម្ពុជាកន្លងមក គឺដោយសារការគាំទ្របោះឆ្នោត របស់ប្រជាពលរដ្ឋ ។

លោកបញ្ជាក់ថា ដោយសារតែមានការបោះឆ្នោតគាំទ្រពីសំណាក់ប្រជាពលរដ្ឋយ៉ាងច្រើនបែបនេះហើយ ទើបអាចធ្វើ
អោយគណបក្សប្រជាជនមានឱកាសកាន់កាប់អាសនៈទាំងអស់ក្នុងរដ្ឋសភា ។ លោក ស ខេង បានសង្កត់ធ្ងន់ថា ការ
ឈ្នះនេះ មិនមែនដោយសារតែការរំលាយគណបក្សសង្រ្គោះជាតិដែលជាអតីតគណបក្សប្រឆាំងពីសំណាក់តុលាការ
កំពូលនៅកម្ពុជានោះឡើយ ។

លោក ស ខេង ថ្លែងបន្តបែបនេះ ៖ « យើងនៅតែឈ្នះ បោះឆ្នោតកន្លងទៅហ្នឹង អត់ចាញ់ទេ ព្រោះដូចបានបញ្ជាក់ ថា
មូលដ្នានយើង ចាក់ឬសយ៉ាងជ្រោ ក្នុងទឹកចិត្ដប្រជាពលរដ្ឋ អញ្ចឹងគាត់នៅតែមានជំនឿអញ្ចឹង អ្នកដែលថាគោលន
យោបាយរបស់ថា វាអញ្ចេះ វាអញ្ចុះ នៅត្រឹមកម្រិតថានៅឡើយទេ នៅលើក្រដាសនៅឡើយទេ មិនទាន់ជាក់ស្ដែង
ទេ » ។

ការថ្លែងលើកឡើងរបស់លោក ស ខេង អោយដឹងយ៉ាងដូច្នេះ ធ្វើឡើងនៅក្នុងឱកាសដែលរូបលោកអញ្ជើញចូលរួមក្នុង
កិច្ចប្រជុំបូកសរុបសកម្មភាពការងារ និងលទ្ធផលនៃការបោះឆ្នោតជ្រើសតាំងតំណាងរាស្រ្តនីតិកាលទី៦ នាព្រឹកថ្ងៃទី១៦
ខែកញ្ញា ម្សិលមិញនេះ ។

ថ្លែងនៅក្នុងឱកាសចូលរួមខាងលើនេះ លោក ស ខេង ដែលមានឋានៈជាអនុប្រធានរបស់គណបក្សប្រជាជនកម្ពុជា
បានបញ្ជាក់ថា បើទោះបីជាការបោះឆ្នោតជាតិកាលពីថ្ងៃទី២៩ ខែកក្កដា កន្លងទៅ មានវត្តមានរបស់អតីតគណបក្ស
សង្រ្គោះជាតិចូលរួមប្រកួត ក៏មិនអាចឈ្នះគណបក្សប្រជាជនបានដែរ ៕